Posted by: Princess Kay on: 六月 13, 2008
小妹沒興趣去研究醫療改革最後會改出怎樣的花樣，但最近的醫療改革咨詢的廣告，實在令我睇一次笑一次，回想第一次睇，是晚飯的時間，幾乎噴飯。
以上廣告有這樣的對白:
老坑 A: 我地 o岩 o岩出黎做野，就 o係度踢波，話咁快都幾十年喇
老坑 B: 真係好快架，醫療改革都傾左十幾二十年啦
老坑 C: 講講下我地都就黎七十歲啦
老坑 D: 喂，唔好 o係度差黎差去，睇準就射啦
老坑 E: 醫療改革都一樣呀，睇準就做啦
VO: 積極參與醫療改革討論，凝聚共識
老坑 ABCDE: 掌握健康、掌握人生!
短短三十秒的廣告，句句有骨、句句絕核，廣告我睇十次，笑足十次，最匪夷所思的是，我一直都以為那班「猜波」的阿伯只是幾個普通的維園阿伯，直到我家裡收到一樣名信片，細看一下，才發現他們原來是非一般阿伯。
老坑ABCD 原來分別是食物及衛生局局長周一嶽、健康與醫療發展諮詢委員會「醫療融資工作小組」主席夏佳理、行政會議成員梁智鴻及醫委會道德事務委員會主席方津生。真係撞鬼。
但有 noise 總好過冇 noise，起碼你會記得有樣野叫「醫療改革咨詢文件」，從賣廣告的角度出發，廣告入到屋，仲唔係贏哂?
